Kalvslund 1549 forlig om Andreas Madsen og Mads Andersens bygning
Attest til Henrik Knudsen i Rødding samt Andreas Madsen og Mads Andersen i Ribe.
Parterne er i retten blevet forligt angående bygningen i Kalvslund, hvor Andreas Madsen og Mads Andersen tidligere har boet, således at Henrik Knudsen skal give dem 16 daler.
Plattysk[redigér]
Schin Andreas Matzen und Mattz Andersen tho Rippen erres gebuwedes halwen tho Kalsslunth.
Wy Johanns etc. bekennen vor unns unnd jedermennigklichen, som diesenn unsernn breff sehen oder horen lesenn, dat sick mit tholate unnsern wyllen und fulbordt de erbar unse lewe getruwe Hinrick Knudtzen tho Rodding bynnen gerichte mit unsernn ock lewenn getruwen Andreas Matzen und Mattis Andersen, tho Ripen wanhaftich, des gebuwe des halwen to Kalsslunt, darup se vormals gawanett, frundtlicken voreinigett, vorlicket und gentzlichen vordragenn hebbenn, alsso datt gedachte Hinrick Knudtzen, Andres Matsen und Mattis Andersenn sollicher saken halwen gewen und entrichten schall sostein daler.
Wen solck gelt de gedachte clegers geboret und empfangenn, schall alle sake, wes se derhalwen mit einander gerichtlich tho donde, upgehawen, gedodet und gentzlichen vordragen sin und bliwen, alsso dat kein deill dem andern solcker saken halwen herfletende nuhernamals gerichtlich tho besprekende oder antolangende hebben schole. Dat solckes alsso gegann unde gefarenn, hebben beide parth unsern schriflichenn schin bogerett. Den wy enen tho weigernde nicht gewust, sundern hebbenn enen chraftt dieses unses breves medegedeilett.
In urkunde mit unsem furstlichen secrete vorsegelt und gewen up unsem schlate Haderschleven ahn hilligen nigen jars dage anno etc. 1549.
Relator her Iven Reventlow, ritter.
Noter[redigér]
A, fol. 119 v., jf. Hansborgske register II, 457.
